Softwiro MCP: قوالب إكسل وحاسبات لمساعدك الذكي

Softwiro MCP يخلّي مساعد الذكاء الاصطناعي (Claude وChatGPT وCursor وأي تطبيق يدعم خوادم MCP البعيدة) يحسب داخل قوالب Excel العربية المجانية من Softwiro ويشغّل حاسبات سريعة، بدل ما يخمّن الأرقام. النتائج بتيجي من معادلات القوالب نفسها ومن كود الحاسبات. من غير مفتاح ومن غير حساب، والخدمة لا تخزّن ما تبعته.

رابط الاتصال

https://softwiro.com/api/mcp

HTTP بعيد (streamable HTTP) من غير مصادقة. الخادم بيرد على كل طلب لوحده وما بيحتفظش بجلسة. فتح الرابط في المتصفح بيعرض خطأ، وده مقصود: الخادم بيقبل طلبات POST من تطبيقات MCP بس.

الأدوات

أربع أدوات للقوالب (حوالي 70 شيت إكسل):

• list_templates: تدوّر في القوالب بنص عربي أو إنجليزي، مثلًا gym.
• get_schema: جداول القالب وأعمدته (أيها إدخال وأيها معادلة) وخانات الإعدادات وخانات النتائج.
• calculate: تكتب بياناتك في القالب وترجّع اللي حسبته معادلاته.
• get_download: رابط ملف xlsx ورابط النسخة الأونلاين من القالب.

وأداتين لـ 23 حاسبة سريعة (من غير شيت):

• list_calculators: تعرض الحاسبات وأسماء مدخلات كل واحدة.
• run_calculator: تشغّل حاسبة. 13 منهم من Softwiro (ضريبة القيمة المضافة، كتلة الجسم، السعرات، موعد الولادة، الإباضة، نقطة التعادل، تكلفة الموديل وقماش المصانع، أجر القطعة، هامش الصيدلية، نقطة إعادة الطلب، تكلفة عدم الحضور، جدول المذاكرة). و10 هم حاسبات قنطار للذهب (الزكاة، النصاب، المصنعية، أسعار السبائك والجنيهات، «السعر ده عادل؟»، «لو بعت دلوقتي هاخد كام؟»، تحويل الوحدات، الميزانية، الذهب مقابل الشهادات والدولار، تبديل الذهب القديم بالجديد).

الترتيب المعتاد للشيت: list_templates ثم get_schema ثم calculate. والمساعد لازم يقرا get_schema قبل calculate عشان ما يخترعش أسماء أعمدة.

أمثلة

ابدأ طلبك بجملة تقول للمساعد يستخدم الـ MCP. من غيرها ممكن المساعد يحسب في دماغه ويرد من غير ما ينادي الأداة.

قالب: اشتراكات الجيم.

استخدم الـ MCP بتاع softwiro (قالب اشتراكات الجيم) في كل الحسابات، وماتحسبش بنفسك. اقرا get_schema الأول وبعدين استخدم calculate.

عندي 3 أعضاء في الجيم. منى انضمت في أول أغسطس باقة ربع سنوي ودفعت 1300. كريم اشترك في 15 سبتمبر باقة شهري (500) ودفع 300. سامي اشترك في 20 أكتوبر شهري ودفع 500. النهارده 5 نوفمبر 2026. مين محتاج تجديد؟ ومين عليه متبقي؟

رجّع القالب: اشتراك كريم انتهى من 22 يوم وعليه 200، واشتراك منى انتهى من 5 أيام ومفيش عليها متبقي، وسامي اشتراكه ساري وفاضل له 14 يوم. في تجربة حقيقية المساعد قال أول مرة «حوالي 15 يوم» لسامي من حسابه الذهني، وبعدها صحّحها لـ 14 بعد ما نادى القالب.

حاسبة: ضريبة القيمة المضافة.

استخدم الـ MCP بتاع softwiro (run_calculator مع vat-calculator) وماتحسبش بنفسك. مصر، أضف الضريبة على صنفين بـ 1000 لكل واحد وصنف بـ 250.

النتيجة بنسبة 14%: الصافي 2,250 والضريبة 315 والإجمالي 2,565.

حاسبة: زكاة الذهب.

استخدم الـ MCP بتاع softwiro (run_calculator مع gold-zakat) وماتحسبش بنفسك. عندي 100 جرام ذهب عيار 21 و50 ألف جنيه كاش. زكاتي كام؟

اتنفّذت يوم 5 نوفمبر 2026: 100 جرام عيار 21 = 87.5 جرام ذهب خالص، فوق النصاب (85 جرام)، وزكاة الذهب 15,650 ج، وزكاة الكاش 1,250 ج، والإجمالي 16,900 ج. حاسبات الذهب بتستخدم أسعار حيّة من qintar.app، فالأرقام دي بتتغير بتغيّر سعر الذهب. ولو الأسعار مش متاحة الأداة بترجع خطأ بدل ما تخمّن. النتائج استرشادية وليست فتوى ولا نصيحة مالية.

كل الأرقام في الأمثلة خيالية، ما عدا سعر الذهب فهو الحي.

وصّل تطبيقك

الخطوات دي من وثائق كل تطبيق، والقوائم ممكن تختلف حسب الباقة والإصدار، فراجع التطبيق لو اسم قايمة ما طابقش.

Claude Code (أمر واحد):

claude mcp add --transport http softwiro https://softwiro.com/api/mcp

Claude على الويب أو سطح المكتب: افتح Customize ثم Connectors، اضغط + Add واختار Add custom connector، اكتب الاسم softwiro والرابط اللي فوق وأضفه. بعدين شغّل الموصّل في المحادثة من زرار +. Claude بيتصل من سحابة Anthropic، وده بيشتغل لأن رابطنا عام.

ChatGPT: افتح Plugins، اضغط +، اختار Add custom MCP server، اكتب الاسم softwiro والرابط اللي فوق، واختار No authentication، ووافق على تنبيه المخاطر، وأنشئه. بعدين افتح محادثة جديدة واكتب @ واختاره. إضافة خوادم MCP مخصصة ممكن تحتاج باقة أو إعداد مساحة عمل يسمح بيها، ومسؤول المساحة ممكن يقيّدها.

Cursor: ضيف ده في .cursor/mcp.json في مشروعك، أو في ~/.cursor/mcp.json لكل المشاريع:

{
  "mcpServers": {
    "softwiro": {
      "url": "https://softwiro.com/api/mcp"
    }
  }
}

أي تطبيق تاني بيدعم خوادم MCP البعيدة (HTTP): ضيف خادم باسم softwiro والرابط اللي فوق من غير مفتاح.

اتأكد من تيرمنال:

curl -s https://softwiro.com/api/mcp \
  -H 'Content-Type: application/json' \
  -H 'Accept: application/json, text/event-stream' \
  -d '{"jsonrpc":"2.0","id":1,"method":"tools/list"}'

المفروض يرجّع أسماء الأدوات الست. جرّبنا الخادم بطلبات مباشرة، لكن ما جرّبناش كل إصدارات التطبيقات المذكورة فوق.

أسرع طريقة: انسخ البرومبت ده وابعته للمساعد اللي بتستخدمه.

أنا عايز تضيف MCP server عندك باسم softwiro:
- النوع: remote HTTP (streamable HTTP)
- الرابط: https://softwiro.com/api/mcp
- من غير مفتاح ولا تسجيل دخول.

لو تقدر تضيفه بنفسك (بأمر أو بتعديل ملف الإعدادات الخاص بيك)، نفّذ واحكيلي إيه اللي عدّلته. وبعدها تأكد إنه شغّال بأنك تعرض أسماء الأدوات اللي ظهرت.

لو مش قادر تضيفه بنفسك، اكتب لي الخطوات بالظبط للتطبيق اللي بتشتغل فيه. اكتب بس الخطوات اللي إنت متأكد منها، وقول لي صراحةً لو في خطوة مش متأكد منها بدل ما تخمّن.

دليل بالخطوات ومثال كامل: وصّل مساعد الذكاء الاصطناعي بقوالب الإكسل عن طريق MCP.

الكود المصدري: الخادم مفتوح المصدر (MIT): github.com/softwiro/softwiro-mcp.

الحدود

الطلب حتى 200 كيلوبايت، وحتى 500 صف و500 خانة. وحتى 30 عملية حساب و120 قراءة في الدقيقة لكل عميل، وكل عملية حساب لازم تخلص في 15 ثانية، وعدد قليل منها بيشتغل في نفس الوقت. بعد كده الخدمة بترد إنك تبطّئ وتعيد المحاولة.

شروط الاستخدام

• الخدمة مجانية وبتتقدم كما هي، من غير ضمان للإتاحة أو الدقة. ممكن نغيّرها أو نحدّها أو نوقفها في أي وقت.
• النتائج استرشادية. مش نصيحة مهنية ولا قانونية ولا طبية ولا ضريبية ولا مالية، وحاسبات الزكاة والذهب ليست فتوى. راجع أي حاجة مهمة مع مختص. إنت المسؤول عن البيانات اللي بتدخلها وعن طريقة استخدامك للنتائج.
• ما تستخدمش الخدمة في تحميلها فوق طاقتها أو في تجاوز الحدود أو في أي شيء غير قانوني.
• القوالب والحاسبات تبقى من شغل Softwiro (وحاسبات الذهب من قنطار). تقدر تستخدم النتائج في شغلك. من فضلك ما تقدمش الخدمة على إنها خدمتك.
• أسعار الذهب بتيجي من qintar.app وقت الطلب، وممكن تختلف عن سعر الصايغ.

الخصوصية

• لا نخزّن ما تبعته. الخدمة بتحسب كل طلب وبتنساه: بياناتك ما بتتحفظش في قاعدة بيانات ولا ملف، ومفيش حساب.
• اللي بنعدّه: إجماليات يومية مجهولة فقط: كام استدعاء جه لكل أداة أو قالب أو حاسبة، وكام خطأ حصل، واسم التطبيق اللي اتصل (مثلًا claude-code). لا عنوان IP ولا محتوى طلب في العدّادات دي.
• سجلات الخادم: زي أي صفحة على softwiro.com، خادم الويب بيحتفظ بسجلات وصول معتادة (عنوان IP والرابط المطلوب والوقت وبيانات المتصفح) لمدة قصيرة، عادةً نحو أسبوعين. السجلات دي ما فيهاش محتوى طلبك. شوف سياسة الخصوصية.
• حاسبات الذهب: معظمها بيجيب الأسعار الحالية من qintar.app، وهو ما بيستلمش أرقامك. حاسبة الزكاة بتبعت مقادير الذهب والفضة والنقد اللي كتبتها لخدمة الحاسبات عند قنطار عشان ترجع النتيجة، وحسب توثيق الخدمة دي هي بتشتغل من غير تسجيل دخول وما بتحفظش حاجة.
• حذف البيانات: بما إن محتوى الطلبات مش متخزّن فمفيش حاجة تتحذف. لأي سؤال تاني استخدم صفحة التواصل.

آخر تحديث: 5 نوفمبر 2026.