# اكسب عمولة من بيع أنظمة Softwiro: برنامج المسوّقين

> انضم لبرنامج المسوّقين بالعمولة من Softwiro: رابط خاص بيك، و20% من أول دفعة على أي نظام تجيب عميله، و10% من الشيتات المدفوعة. من غير رأس مال ومن أي مكان.

المصدر: https://softwiro.com/ar/partners
اللغة: العربية
Softwiro, softwiro.com

---

برنامج المسوّقين بالعمولة

# اكسب عمولة على كل عميل تجيبه

بنبني أنظمة شغالة فعلًا لمحلات الملابس والمصانع وشركات التوصيل والمدارس والعيادات. لو تعرف أصحاب أنشطة محتاجينها، رشّحها لهم برابطك وخد عمولتك أول ما يدفعوا.

## هتكسب كام

**20%**من أول دفعة على أي نظام: Accsys ونظام الإنتاج وProfAcc ووصلني وصحتي وغيرها.

**10%**من أي شيت Excel مدفوع متفصّل على نشاط العميل.

## إزاي بيشتغل

1. سجّل بحساب جوجل أو املا بياناتك تحت، وهنراجعها ونكلّمك على واتساب.
2. بعد التفعيل بياخد رابط خاص بيك وصفحة تتابع منها أرقامك.
3. ابعت الرابط لأصحاب الأنشطة اللي تعرفهم، أو انشره في جروبات المجال.
4. أي حد يدخل من رابطك بيتحسب لك 60 يوم، حتى لو اشترى بعدها بفترة.
5. أول ما العميل يدفع، عمولتك بتظهر في صفحتك، وبتتصرف لك لما رصيدك يعدّي 500 جنيه.

## مناسب لمين

- محاسبين بيتعاملوا مع محلات ومصانع
- مدرسين ومسؤولين في مدارس وسناتر
- محلات أجهزة الكاشير والباركود
- وكالات تسويق ومصممين بيخدموا أصحاب أنشطة
- أي حد عنده علاقات في السوق وعايز دخل إضافي

**⚠** تحذير: أي نشاط وهمي أو غير حقيقي (حسابات أو متابعين وهميين، زيارات من أجهزتك أو أجهزة معارفك، نسخ متتالي من غير نشر، أو روابط إثبات مش حقيقية) بيعرّض حسابك للإيقاف، ومن غير أي مستحقات.

## سجّل في البرنامج

سجّل بحساب جوجل

بحساب جوجل حسابك بيتفعّل وبتاخد كودك وصفحتك على طول. ولو سجّلت قبل كده، نفس الزرار بيدخّلك صفحتك.

أو املا بياناتك بإيدك

## أسئلة شائعة

### محتاج خبرة في المبيعات؟

لا. إحنا بنعمل العرض التجريبي والتعاقد والتركيب والدعم، وإنت بترشّح بس. وفيه شرح لكل نظام تقدر تبعته للعميل.

### العمولة بتتحسب إزاي؟

نسبة من المبلغ اللي العميل دفعه فعلًا: 20% من أول دفعة على أي نظام، و10% من الشيت المدفوع. بتشوف كل صفقة وعمولتها في صفحتك.

### إمتى بقبض؟

بعد ما العميل يدفع وبعد ما رصيدك يعدّي 500 جنيه، وبتتصرف على InstaPay أو محفظة إلكترونية.

### ينفع أسجّل بحساب جوجل؟

أيوه. دوس «سجّل بحساب جوجل» واكتب رقم الواتساب بس، والاسم والإيميل بيتملوا لوحدهم. والمرة الجاية نفس الزرار بيدخّلك صفحتك على طول.

### لو العميل اشترى بعد أسبوعين؟

يتحسب لك برضه. الرابط بيفضل شغال 60 يوم على جهاز العميل، وكمان لو كلّمنا وذكر اسمك.
